hello, the suck-brand-new you

我係美紫，再过多两日我就满20岁啦。

我係一個充滿想象、極之乐观、对自己既信心都有一点既程度、好鍾意社交，身邊有好多好多唧朋友，时不时就同朋友出下街，饮下茶。优哉游哉，钟意去边就去边。虽然我易信任人，但係我係觉得我对每一个人都交出心来咯。我係个傻大姐，乜都笑餐饱，烂gag一萝萝，面上毋忧愁。對所有事情都有熱心，尤其係义工或学校既活动，係個熱血青年來。虽然个份人有d懒，好在有返d知质，成绩还可以。在讲，虽然我唔係衔住金锁匙出世，我卑我爸我妈宠到架吓。我其实觉得我自己都几幸福嘎。［我唔係卖花赞花香，我只不过係觉得我真係d甘个人］

一切都好好（其实係应该话非常好先岩），直到我来到呢度。所有野都变喇。

我好死板，想象力离我而去。再多一排，连乐观bb同信心姐姐都陆陆续续走左。我玩自闭，我玩唔出声，钟意自己一个人，可以唔讲野就唔讲。我缩骨，我毋用。我害怕。我毋胆。我惊同人打交道。我份热心蒸发左。我日愁夜又愁。我既生活变得好紧张，斋讲赶公共交通，已经拿我命三千。再加上，我未试过甘唔开心嘎。我好打压力，大到我自己都唔知点有几大。我毋目标喇。

为左读书，真係要过d甘既生活，真係要将一个我觉得我自己喜欢既性格同人生观都改变？如果係，我真係宁愿做个山吧妹，返返过去山打根。同吖爸吖妈一起，朝朝早一齐饮早茶，返到屋企帮吖妈手，扫地抹地。我真係甘心。你话我毋大志，你话我经唔起考验，你话我毋目标，乜都好喇。

(以上都係关于自己，毋牵涉任何人。)

我姐沉日问我－我既20岁生日愿望係咩？

奢侈到我唔敢讲、唔敢念。